ANSELMO FUERTE

Anselmo Fuerte Abelenda naceu en Madrid (España), o 27 de xaneiro de 1962.

Este exciclista español, era o súper clásico español, daqueles que sempre daba xogo, sobre todo na Volta a España, pero que non tivo a fortuna de poder gañar unha gran volta por etapas. Sen ser un escalador nato era o terreo no que mellor se defendía, aínda que tamén no chairo e mesmo nas cronometradas non adoitaba perder corda. Era esa clase de corredor completo pero demasiado conformista, polo que lle custaba moito gañar, iso impediulle dar un salto adiante no seu palmarés.

Criouse no barrio madrileño do Batán e traballou nunha empresa de fabricación de bicicletas. O seu debut profesional fíxoo despois da vitoria na Volta á Comunidad de Madrid en 1984.

En 1991, partía como favorito liderando á ONCE para gañar a Volta a España, pero nesta ocasión, o seu compañeiro de equipo Melchor Mauri, foi quen levou o gato á auga ao conseguir a camisola amarela na primeira etapa, converténdose no líder do equipo ao facer valer a súa forza nas etapas contrarreloxo. Quedaba claro na 7ª etapa, unha CRI de 47 quilómetros en Cala d´ Or (Baleares), na que Anselmo Fuerte perdeu demasiado tempo como para poder optar ao título. Aquela edición por suposto gañouna Melchor.

Profesional de 1985 a 1993.

Tras a súa retirada do ciclismo profesional, foi comentarista de ciclismo para a cadea SER, retransmitindo as grandes voltas e colaborador coa Asociación Deporte e Vida.

Tres anos despois da súa retirada, obtivo o título de director deportivo.

TRIUNFOS: 1986, vencedor dunha etapa na Volta ao País Vasco.

1987, vencedor da Volta a Tres Cantos e da Volta a Aragón.

1988, vencedor do Critérium de Fuenlabrada.

GIRO DE ITALIA: 1992 (49º).

TOUR DE FRANCIA: 1985 (100º), 1986 (31º), 1987 (8º), en 1988 abandonou na decimosegunda etapa, 1989 (29º) e en 1990 (24º).

VOLTA A ESPAÑA: 1986 (9º), 1987 (7º), 1988 (3º e líder durante dous días), en 1989 retírase antes de finalizar a carreira e en 1990 (3º).

Outros resultados dignos de mención: 1987, segundo nunha etapa do Tour de Francia, 1988 e 1991, segundo na Semana Catalá, 1989, segundo nunha etapa do Tour de Francia.

EQUIPOS: 1985 Zor- Gemeaz, 1986 Zor- BH, 1987-1989 BH Sport, 1990-1992 ONCE e 1993 Kelme-Xacobeo 93.