BERNARD GAUTHIER

Bernard Gauthier naceu en Beaumont-Monteux (Francia), o 22 de setembro de 1924. Morreu aos 94 anos en Grenoble (Francia), o 23 de novembro de 2018.

Foi un dos ciclistas franceses máis populares da década posterior á Segunda Guerra Mundial. Era un corredor xeneroso, leal, honesto e recto, un atacante nato, chamado “Corazón de León” polo seu gran temperamento e “Señor Bordeus-París”, polas súas catro vitorias na mesma.

Gañou menos do que tiña nas súas posibilidades, en parte debido ao exceso de combatividade, e en parte maior, pola súa disposición ao xogo en equipo. Gauthier, gañou ou perdeu grandes logros e, por isto, debe ser considerado un dos corredores franceses máis evidentes, na década estelar dos transalpinos, dos anos cincuenta.

Sen chegar ao nivel de Louison Bobet e Raphaël Géminiani. As súas catro vitorias na Bordeus-París fixeron que se lle considerase un gran campión.

En 1950 lucio a camisola amarela durante sete días. O seu éxito na LVI París-Bordeus de 1954 foi grande, pois unha terrible caída deixouno medio aparvado ao costado da estrada, pero a súa combatividade fixo que non se detivese, reanudandó a marcha e gañandó completamente esgotado en París despois de cubir os 551 quilómetros en 15-19-01, a unha media de 35,973 por hora.

Profesional desde 1947 a 1962 durante os cales logrou 30 vitorias, sendo as máis destacadas as catro vitorias na Bordeus-París, unha etapa do Tour de Francia e o Campionato de Francia en ruta.

A maior parte destes anos pasounos baixo as ordes do equipo Mercier.

TRIUNFOS: 1947, vencedor da Annemasse-Bellegarde-Annemasse e da Bourg-Xenebra-Bourg.

1948, vencedor dunha etapa do Tour de Francia.

1951, vencedor da Bordeus-París.

1952, vencedor do Tour do Sueste, máis unha etapa e do G. P. Eco de Alxer.

1953, vencedor do G. P. Pneumático.

1954, vencedor da Bordeus-París, de dúas etapas do Critérium Dauphiné e do G. P. Marsellesa.

1955, vencedor dunha etapa da París-Niza, dunha etapa do Critérium Dauphiné e dunha etapa dos Tres Días de Anveres.

1956, vencedor do Campionato de Francia de fondo na estrada, da Bordeus-París, do Criterium de Ases, dunha etapa do Grande Premio Ciclomotoristico e da Challenge Yellow.

1957, vencedor da Bordeus-París.

1958, vencedor do Tour do Sueste.

Nunca participou no Xiro de Italia nin na Volta a España.

TOUR DE FRANCIA: 1947 (22º), 1948 (24º, máis unha etapa), 1949 (abandona na 10ª etapa), 1950 (17º), 1951 (26º), 1952 (63º), 1953 (75º), 1955 (46º), 1959 (chega fóra de tempo na 13ª etapa) e en 1960 (79º).

Outros resultados dignos de mención: 1951, segundo no Circuíto de Flandes por detrás de Roger Decock e segundo na París-Bruxelas por detrás de Jean Gueguen. 1952, terceiro no Campionato de Francia de fondo na estrada. 1953, terceiro no Circuíto de Flandes. 1955, segundo na Milán-San Remo despois de Rik Van Looy e en 1956 segundo na París-Bruxelas despois de Van Looy.

EQUIPOS: 1947 Follis-Dunlop. 1948-1951 Mercier-Hutchinson. 1952 Vicini- Mercier-Hutchinson. 1953-1962 Mercier- BP- Hutchinson.