GIUSEPPE FEZZARDI

Giuseppe Fezzardi naceu en Arcisate, Varese (Italia), o 28 de decembro de 1939.

É un ex ciclista profesional italiano especialista en carreiras por etapas.

Orixinario dunha familia de orixe Medolese , Fezzardi comezou en 1958 a competir na categoría amateur, coa Compañía Ciclística de Alfredo Binda en Varese, logrando en dous anos 22 vitorias. Ao mesmo tempo, que traballaba nunha fábricas de Varese.

Como profesional participou en 10 Xiros de Italia.

Retirándose da competición en 1971, grazas a Ernesto Colnago, Giuseppe Saronni e Alxer, mantívose no ambiente ciclista durante algúns anos, primeiro como director deportivo do Lampre e logo como colaborador de Giuseppe Saronni no mesmo equipo.

En 1966 coñece a Ornella, con quen máis tarde se convertería na súa esposa. A Sra. Ornella era entón xerente dunha compañía que producía o famoso Amaro Monier, un licor moi apreciado que apoiaba o ciclismo organizando o "Gran Premio Amaro Monier" e, na edición de 1968, que se disputou no velódromo Luigi Ganna, Giuseppe Fezzardi sentou as bases do que sería a súa vida, a súa familia, unha familia que aínda vive serenamente coa Sra. Ornella, as súas fillas Samantha, (Biologa) e Pamela, (Avogada) con dous netos, Mateo de 10 anos e Emma de 5.

Tras a súa retirada do ciclismo profesional traballou nas Dependencias da Provincia de Varese. Durante 10 anos na Oficina de Economía, máis tarde na Brigada Provincial de Bombeiros e, desde o 1 de setembro de 1992, está xubilado a tempo completo. Pero a vida de non facer nada totalmente non ía con el, polo que desde 1993 ocupa o  cargo de Director Deportivo do "Biancorossi Terziroli", onde correron ciclistas como Stefano Zanini, Pierobon e Passera, recibindo moitas satisfaccións.

Hoxe, á espera do 50º aniversario da súa voda espera esa data pedaleando en solitario e moi satisfeito de toda a súa familia.

Profesional de 1961 a 1971, durante os cales gañou o Gran Premio de Bordighera, os Tres Vales Varesinos, a Volta a Suíza, o Tour de Ticino e unha etapa do Tour de Francia.

TRIUNFOS: 1962, vencedor dos Tres Vales Varesinos.

1963, vencedor da Volta a Suíza.

1965, vencedor da 15ª etapa entre Carpentras-Gap  do Tour de Francia.

1966, vencedor do Xiro do Ticino por diante do alemán Hans Junkermann.

XIRO DE ITALIA: 1961 e 1962 (abandona), 1963 (53º), 1965 (abandonou), 1966 (58º), 1967 (abandona), 1968 (61º), 1969 (42º), 1970 (80º) e 1971 (42º),

TOUR DE FRANCIA: 1965 (36º, máis unha etapa) e 1966 (42º).

Nunca participou na Volta a España.

Outros resultados dignos de mención: 1961 segundo no Tour de Romandia.

EQUIPOS: 1961-1962 San Pellegrino. 1963 Cynar. 1964 Ignis. 1965-1968 Molteni. 1969 Sanson e 1970-1971 Dreher.