NICOLÁS FRANTZ

Nicolás Frantz naceu en Mamer (Luxemburgo), o 4 de novembro de 1899. Faleceu recentemente cumpridos os 86 anos o 8 de novembro de 1985 en Luxemburgo.

 Foi un dos deportistas máis laureados na historia de Luxemburgo. Campión completo, sólido rodador, bo escalador e con velocidade. Dominou o Tour de Francia durante 1927 e 1928 ata tal punto que se dicía “o Circuíto de Frantz” e non o Tour de Francia. Cando gañou o Circuíto de 1927, Nicolas Frantz, usou unha bici de 11 quilos con freos e un piñón a cada lado da roda traseira. Cando se achegaba unha gran subida, debía sacar a roda e virala, para usar o piñón máis adecuado para iso.

Este corredor do potente equipo Alcyon en 1928 vestiuse coa camisola amarela o primeiro día e non a perdeu máis, a pesar de romper o cadro da súa bicicleta nun paso a nivel e de correr os restantes 100 quilómetros cunha bici de muller prestada. Frantz terminou cun tempo total de case 193 horas, tras superar varias etapas de máis de 300 quilómetros co Aubisque, o Tourmalet, o Portet d' Aspet, o Galibier, o Télégraphe ou o Lautaret entre medias. Aquel ano tomaron a saída 162 participantes e chegaron a París 41.

Como independente tamén foi Campión do seu país.

Profesional de 1923 a 1934, durante os cales conseguiu 60 vitorias.

Foi campión do seu país durante doce anos consecutivos, todos os que estivo de profesional. Tentou o Campionato do Mundo de ciclismo, pero só puido gañar dúas medallas, unha de prata e outra de bronce.

Tras retirarse do ciclismo profesional, converteuse en director deportivo, tendo baixo as súas ordes ao tamén luxemburgués Charly Gaul.

TRIUNFOS: 1923, 1924, 1925, 1926, 1927, 1928, 1929, 1930, 1931, 1932, 1933 e 1934 Campión de Luxemburgo.

1923, Campión de Luxemburgo de Ciclocrós, vencedor da Madrid-Santander, da París-Lyon, da París- Calais e do G. P. Faber.

1924, vencedor de dúas etapas do Tour de Francia e dunha etapa da Volta a Bélxica.

1925, vencedor de catro etapas do Tour de Francia.

1926, vencedor da Volta ao País Vasco, de catro etapas do Tour de Francia e da París- Hayange.

1927, vencedor de París-Bruxelas, de tres etapas do Tour de Francia e da París- Longwy.

1928, vencedor da París-Rennes e de cinco etapas do Tour de Francia.

1929, vencedor de París-Tours e de dúas etapas do Tour de Francia.

1930, vencedor do G. P. Faber e da Agen- Toulouse.

1931, vencedor da Friburgo- Ulm e de dúas etapas da Volta a Alemaña.

1932, vencedor da París- Nancy.

Nunca participou no Xiro de Italia nin na Volta a España.

TOUR DE FRANCIA: 1924 (2º, máis dúas etapas), 1925 (4º, máis catro etapas), 1926 (2º, máis catro etapas), 1927 (1º, máis tres etapas) 1928 (1º, máis cinco etapas), 1929 (5º, máis dúas etapas) e en 1932 (45º).

Outros resultados dignos de mención: 1923, terceiro na Volta a Bélxica. 1924, segundo na Volta a Bélxica e segundo na París-Tours. 1925, terceiro na París-Bruxelas. 1926, terceiro na París- Tours y segundo no Tour de Francia. 1928, segundo na París-Bruxelas. 1928, segundo no Campionato do Mundo de fondo na estrada e terceiro na París-Bruxelas. 1930, segundo na Turín-Bruxelas. 1931, terceiro na Volta a Alemaña. 1932, terceiro no Campionato do Mundo de fondo na estrada.

EQUIPOS: 1923-1924 Thomann- Dunlop. 1925-1934 Ancyon- Dunlop.