xoves, 23 de xaneiro de 2014

ERIC CARITOUX

Eric Caritoux, naceu en Carpentrans, Vaucluse (Francia), ao pé do Mont Ventoux, o 16 de agosto de 1960.
Ciclista francés con oficio e clase para as grandes probas de fondo. A súa carreira ciclista empezouna como junior no Club local en Carpentras, converténdose nun forte escalador xa que a miúdo adestraba pola zona montañosa de Vaucluse e o Mont Vantoux. Como afeccionado gañou a edición de 1982 do Tour du Vaucluse Abrir superando ao futuro gañador do Tour de Francia, Laurent Fignon , esta vitoria logrouna ao gañar a cronoescalada de 15 quilómetros ao Mont Ventoux. Convencendo asi a Jean de Gribaldy gerente da Sem-France Loire que o fichou para o planten profesional. Foi un ciclista completo que destacaba na montaña, principalmente coa calor. A esas calidades había que engadir o seu carácter frio e calculador.
No equipo SEM tivo a Sean Kelly como xefe de filas, sendo o seu principal gregario nas carreiras por etapas. En 1984, ao converterse o Skil no principal patrocinador, Caritoux demostrou que tiña potencial para ser algo máis que o axudante de Kelly na montaña, comezou a tempada vencendo no Tour de Haut Var e unha etapa da Paris-Niza. A principios de abril o equipo concentrouse nas clásicas de primavera para Sean Kelly, polo que lle deron un breve descanso xa que el non se axustaba a esta clase de probas.
O seu maior éxito, conseguiuno na Volta Ciclista a España de 1984, ao gañar unha etapa e ocupar o primeiro posto na xeral final, por só seis segundos de vantaxe sobre Alberto Fernández Branco.
A historia desta vitoria é bastante extraordinario xa que é bastante inusual que un ciclista no seu segundo ano de profesional gañe unha das grandes. Con todo, aínda é máis inusual que, unha semana antes do comezo o seu equipo non tiña previsto participar. A promesa de Jean de Gribaldy aos organizadores da Volta de que o seu equipo estaría na liña de saída esqueceuse, polo que a Volta a España ameazounos cunha multa de 50.000 $ si o equipo non tomaba a saída. Ante esta situación o propio Gribaldy no último minuto, tivo que convocar aos ciclistas, na cal incluíu a Eric Caritoux que estaba de vacacións en Xenebra, o cal tivo que voar a Jerez da Fronteira, onde comezaba a Volta.
Caritoux nos primeiros días atopouse ben e con forzas gañando a primeira etapa de montaña que terminaba na cima de Rassos de Peguera nos Pirineos, logo na 12ª etapa, con final nos Lagos de Covadonga fíxose co maillot de líder que levaba Pedro Delgado. Ninguén, incluído el, pensaba que podía manter a vantaxe ata o final da carreira unha semana máis tarde, o seu equipo era débil e non tiña apoio nas montañas. Con todo, chego á contrarreloxo final con 37 segundos de vantaxe sobre Alberto Fernández, sabía que dependía del e que esta podía ser a única oportunidade de gañar unha carreira importante, ese espíritu e determinación fixo que gañase a Volta a España por apenas seis segundos.
En 2009, tras unha entrevista publicada pola revista Vélo Magazine chegaba a polémica, Eric Caritous acusaba ao equipo Zor, que entón dirixía Javier Minguez, de querer comprarlle a Volta para que o triunfo quedásese na casa, en mans do defunto Alberto Fernández. A resposta de Minguez non se fixo esperar e aínda que admitiu que houbo conversacións en plena carreira, xuraba pola súa santa nai que iso era mentira. ¿Como iamos comprar nada si non tiñamos diñeiro?, ¿iso é mentira?, repetiu unha e outra vez, estrañándose de que contase iso agora.
Profesional de 1983 a 1994, durante os cales logrou vinte e dúas vitorias.
Hoxe é un home de negocios no área de Carpentras e dono do seu propio viñedo, recientemente traballou para o Tour de Francia como condutor de cortesía para os hóspedes do France Telecom.
TRIUNFOS: 1983, vencedor do Gran Premio d´Aix-en-Provence.
1984, vencedor da Volta Ciclista a España, unha etapa da Paris-Niza e o Tour de Haut-Var.
1985, vencedor dunha etapa do Tour do Mediterraneo.
1986, vencedor do Trofeo de Escaladores.
1988, vencedor do Campionato de Francia en ruta.
1989, Campión de Francia en ruta.
1990, vencedor dunha etapa da Midi Libre.
1991, vencedor do Tour de Haut-Var.
XIRO DE ITALIA: 1987, (21º).
TOUR DE FRANCIA: 1983, (24º), 1984, (14º), 1985, (34º), 1986, (20º), 1987, (23º), 1988, (18º), 1989, (12º). 1990 retirouse. 1991, (17º). 1992, (37º). 1993, (37º). 1994, (22º).
VOLTA A ESPAÑA: 1984 (1º, máis unha etapa). 1985, (6º). 1988, (11º). 1989, abandonou.
OUTROS RESULTADOS DIGNOS DE MENCIÓN: 1985, segundo na Midi Libre e no Tour do Mediterráneo. 1984, terceiro no Gran Premio de Plouay.
EQUIPOS: 1993, SEM-France Loire. 1984-1985, SKIL. 1986-1987, Fagor. 1988, KAS. 1989-1992, RMO. 1993-1994, Chazal.

Ningún comentario:

Publicar un comentario