MICHELE DANCELLI

Michele Dancelli o “Nómada Soñador” naceu en Castenedole, Brescia (Italia), o 8 de maio de 1942.
Foi un dos ciclistas máis exitosos do ciclismo italiano, con 73 triunfos e moita clase, ambición, coraxe e tenacidade. 
Era o menor de sete irmáns, que se fixo ciclista para saír da pobreza na que vivía a súa familia. Os seus comezos dividíaos entre o ciclismo e a profesión de albañil. Trala súa vitoria no Campionato de Italia de fondo en estrada como amateur, en setembro de 1963, con apenas vinte e un anos, Giorgio Albani que dirixía ao Molteni fichao para o seu equipo, dando o salto a profesionais.
Durante a súa carreira como profesional gañou dous importantes clásicas, a Flecha Valona en 1966 e en 1970 a Milán-San Remo grazas a unha escapada en solitario de 70 quilómetros. A vitoria na “Superclásica”, devolvía o éxito aos italianos dezasete anos logo da última lograda por Loretto Petrucci en 1953.
Participou en nove edicións do Xiro de Italia, gañando 11 etapas e vestindo o maillot rosa de líder durante 14 días. Na edición de 1970 que gañou Eddy Merckx, terminou cuarto na xeral e segundo na clasificación por puntos.
En 1969 participou por primeira e única vez no Tour de Francia, terminando 20ª cunha vitoria de etapa.
Vestiu oito veces o maillot azul da selección italiana nos Campionatos do Mundo de fondo en estrada, terminando terceiro en dúas ocasións, en 1968 en Imola tras Vittorio Adorni e Herman Van Springel e en 1969 en Zolder, detrás do dúo Harm Ottenbros e Julien Stevens. 
En 1971 durante a disputa da Tirreno-Adriático caeuse rompéndose o fémur, a partir de entón só conseguiu que fose descualificado do Xiro de Italia por haberse remolcado, retirándose en 1974 logo dunha tempada nas filas do Dreherforte.

Tras abandoar o ciclismo de competición, dedicouse aos negocios de vacacións e lecer, organizando excursións para ciclistas. 
Profesional de 1963 a 1974.
TRIUNFOS: 1963, Campión de Italia amateur.
1964, vencedor do Xiro Abruzzo, do G. P. Prato, da Turín-Castellania e do Trofeo Cougnet.
1965, Campión de Italia por puntos, vencedor do G. P. Prato, do G. P. de Cannes, do Xiro de Campania, do G. P. Montelupo, do Xiro dos Apeninos, da Copa Placci, do G. P. Molteni, do Xiro de Venetto e do Xiro Emilia.
1966, Campión de Italia por puntos, vencedor da Flecha Valona, do Xiro dos Apeninos, do Xiro Venetto, do Xiro de Reggio Calabria e da cronostaffetta con Scandelli e Motta.
1967, vencedor do G. P. de Prato, da Turín-Castellania, do Xiro dos Apeninos, do Xiro Emilia, do Xiro de Reggio Calabria e da Copa Sabatini.
1968, vencedor da Paris-Luxemburgo, do Xiro de Reggio Calabria e do Trofeo Laigueglia.
1969, vencedor do G. P. Mirandola e da Cronostaffetta con Boifava e Schutz.
1970, vencedor da Milán-San Remo, do G. P. Montelupo, do Trofeo Laigueglia e do Xiro de Lazio.
1971, vencedor do G. P. San Rafael e do G. P. Apriata de orba.
1972, vencedor do Xiro de Marche.
1973, vencedor do G. P. Beausoleil.
XIRO DE ITALIA: 1964 (21º, máis unha etapa), 1965 (12º, máis dúas etapas), 1966 (20º, máis unha etapa), 1967, antes de terse que retirar gana dúas etapas. 1968 (7º), 1969 (6º, máis unha etapa), 1970 (4º, máis catro etapas), en 1971 retírase e en 1972 (35º).

Michele Dancelli na actualidade

TOUR DE FRANCIA: 1969(20º, máis unha etapa).
VOLTA A ESPAÑA: soamente participa na edición de 1967, téndose que retirar antes de finalizar a carreira.
Outros resultados dignos de mención: 1963, terceiro no Xiro de Lombardía. 1964, terceiro no Xiro Emilia. 1965, segundo na Copa Bernocchi, segundo nos Tres Vales Varesinos, segundo na Vignola e segundo con Scandelli no Trofeo Baracchi. 1966, terceiro na Copa Bernocchi, segundo na Génova-Niza, segundo no G. P. Prato e segundo na Milán-Turín. 1967, segundo no Campionato de Italia de fondo en estrada, terceiro na Copa Agostini, segundo na Copa Bernocchi, segundo na Copa Placci, terceiro no Trofeo Matteotti e terceiro no Trofeo Cougnet. 1968, terceiro no Campionato do Mundo de fondo en estrada, terceiro no Campionato de Italia de fondo en estrada, terceiro na Milán-Turín, segundo no Trofeo Matteotti e segundo nos Tres Vales Varesinos. 1969, terceiro no Campionato do Mundo de fondo en estrada, segundo na Henninger Turm e segundo no Xiro Veneto. 1970, terceiro no Xiro Emilia. 1972, terceiro, máis dúas etapas e a regularidad na Volta a Suiza, terceiro no Campionato de Italia de fondo en estrada, segundo no Trofeo Matteotti e terceiro nos Tres Vales Varesino. 1973, terceiro no Xiro Puglia, terceiro no Xiro dos Apeninos, terceiro no Xiro Marche, segundo no Xiro Romagna e segundo no Xiro de Sicilia. 
EQUIPOS: 1963-1966 Molteni, 1967 Vitta Dello, 1968 Pepsi-Cola, 1969-1970 Molteni, 1971-1973 Scic e 1974 Dreherforte.