JACQUES DUPONT

Jacques Dupont naceu en Lezat sur Leze (Francia), o 19 de xuño de 1928.
Foi un ciclista francés que primeiro foi pistard, para despois pasarse a routier-velocista moi bo. Era considerado no pelotón como un ciclista rigoroso e meticuloso, polo que lle alcumaron “Jacques o metódico”. Os seus cadernos de adestramento estaban sempre moi detallados así como os seus apuntamentos de nutrición. Debido a isto era moi respetado por corredores como Antonin Rolland ou André Darrigade.
Antes de dar o salto a profesionais foi membro do equipo Olímpico francés que participou en Londres en 1948, gañou dúas medallas de ouro na competición do quilómetro punto morto. Pasando a profesionais en 1950, con moitas expectativas que inicialmente se confirmaron, con todo a partir de gañar a París-Tours de 1951, comeza unha crise lenta con poucas vitorias nas carreiras francesas, aínda que cun bo nivel. Volvendo á prestixiosa vitoria no Campionato nacional en 1954 e o seu segundo París-Tours en 1955, pero finalmente volveu caer en crise, con vitorias soamente en circuítos e carreiras nacionais.

En 1948 foi Campión Olímpico do quilómetro (1´13”5).
Profesional de 1950 a 1959 durante os cales as súas mellores vitorias foron a medalla Olímpica de bronce en contrarreloxo por equipos, o Campionato de Francia en ruta en 1954 e a París-Tours conseguida dúas veces, en 1951 e en 1955.  Nesta edición gañouna con 43,666 km/h de media, polo que recibiu o Ruban Jaune outorgado ao ciclista máis rápido en gañar unha proba de máis de 200 km. Ostentou ese record ata 1962.
TRIUNFOS: 1950, vencedor do Tour Loiret.
1951, vencedor da París-Tours.
1952, vencedor do Circuíto Indre.
1953, vencedor do G. P. Eco Orán.
1954, vencedor do Campionato de Francia de fondo en entrada e do Circuíto Indre.
1955, vencedor da París-Tours, da Chateaulin e do G.P. Esperanza.
1956, vencedor do G. P. San Rafael e dunha etapa do Criterium Naciona.
1957, vencedor da Bucles do Sena.
Nunca participou no Xiro de Italia nin na Volta a España.
As tres edicións nas que participou no Tour de Francia (1952-1953 e 1955), en todas elas retirouse.
EQUIPOS: 1950-1951 Peugeot-Dunlop. 1951-1952 Dilecta-Wolber. 1953-1954 Dilecta-Wolber-Louvet. 1955 Mercier-BP-Hutchinson e 1956-1957 Sant Raphaël-Géminiani-Dunlop e 1958-1959 Peugeot-BP-Dunlop.