xoves, 19 de xaneiro de 2017

CARLOS ECHEVERRIA

Carlos Echeverría Zudaire naceu en Aramendia Allin, Navarra (España), o 4 de novembro de 1940.

A forza de vontade é unha das características máis apreciadas no deporte da bicicleta, e esa foi a principal arma e virtude que exhibiu o ciclista navarro nos seus nove anos de profesional.

A pesar de ter que traballar para outros non desaproveito as oportunidades que se lle presentaron, principalmente na Volta á Rioxa, proba esta que gañou en tres ocasions.

Foi o segundo ciclista navarro en subir ao podium dunha gran volta, tras Mariano Cañardo, lográndoo ambos na Volta a España. Era un corredor que andaba ben en todos os terreos, logrando un gran número de vitorias en carreiras rexionais, mercé a unha boa punta de velocidade nos sprints reducidos.

Ata a chegada de Miguel Indurain, era xunto a Jesús Galdeano para moitos o mellor ciclista navarro da historia tras Mariano Cañardo, destacando nas súas actuacións na xa citada Volta ciclista a España onde conseguiu subir ao podium na edición de 1966, ademais de sumar dúas vitorias de etapa.

Profesional de 1963 a 1971, durante os cales conseguiu 32 vitorias.

TRIUNFOS: 1963, vencedor da Volta á Rioxa máis unha etapa, do Trofeo Drink e do Gran Premio de Tafalla.

1964, vencedor da Volta á Rioxa, máis unha etapa, do Gran Premio de Éibar máis unha etapa, da Volta a Ávila máis unha etapa e do Trofeo Drink.
1965, vencedor do Gran Premio de Tafalla, dunha etapa da Volta a España, de dúas etapas da Volta a Ávila, dunha etapa da Volta á Rioxa e do Gran Premio de Pascua.
1966, vencedor do Gran Premio de Estella, dunha etapa da Volta a España, dunha etapa da Dauphiné Libéré e do Trofeo Branco Madrid.
1967, vencedor do Gran Premio de Éibar.
1968, vencedor do Gran Premio de Leganés.
1969, vencedor do Gran Premio de Valencia.
1970, vencedor da Volta á Rioxa máis unha etapa, dunha etapa da Volta ao País Vasco e do Gran Premio de Primavera.
XIRO DE ITALIA: 1967 (17º).
TOUR DE FRANCIA: 1963 e 1964 retírase antes de finalizar a carreira. 1965 (53º), 1966 (25º) e 1968 (29º).
VOLTA A ESPAÑA: 1963 (25º), 1964 (18º), 1965 (5º, máis unha etapa), 1966 (3º, máis unha etapa), 1967 (16º), 1968 (8º), 1969 (9º) e 1970 (24º).
Outros resultados dignos de mención: 1966, segundo no Campionato de España de Montaña e segundo no Campionato de España de fondo na estrada. 1967, segundo no Campionato de España de fondo na estrada.
EQUIPOS: 1963-1964 Funcor. 1965-1971 Kas.

Ningún comentario:

Publicar un comentario