José Antonio Espinosa
Hernández, alcumado “Espi” naceu o 24 de novembro de 1969 en Tomelloso, Cidade
Real (España). Morreu aos 26 anos tras un gravísimo accidente ao chocar contra
un membro da organización no Criterium de Fuenlabrada o 20 de outubro de 1996
en Fuenlabrada, Madrid (España).
Ciclista español que era o
paradigma de corredor modesto, humilde e combativo, experto en escapadas e
sobre todo en disputar clasificacións secundarias e que apenas enriquecera o
seu historial nos seus catro anos como profesional. Atopara un oco lanzando ao
sprinter Marcel Wust e disputando metas volantes, que gañara nunha ducia de
carreiras. O seu único triunfo é unha etapa en 1995 na Volta do Futuro en
Portugal. O seu futuro era incerto, xa que o MX Onda non lle ía a renovar o seu
contrato e el debía buscar un novo equipo ou retirarse.
Tras o accidente foi
ingresado en situación de morte cerebral na UVI do Hospital Clínico de Madrid,
empeorando ao día seguinte. Os índices das probas ás que fora sometido
demostraban a morte cerebral. O seu encefalograma era plano. Horas despois,
efectuóuselle un novo encefalograma, que ao repetirse plano permitiu a
desconexión dos mecanismos de supervivencia e a doazón dos seus órganos. O
doutor Julián Simón, xefe do hospital do Clínico certificaba a súa morte por un
traumatismo cranioencefálico con edema masivo.
Profesional de 1993 a
1996.
TRIUNFOS: 1995, vencedor
da Volta do Futuro.
Outros resultados
deportivos: 1995, terceiro no Memorial Manuel Galera e terceiro na 3ª etapa da
Volta a Rioxa.
EQUIPOS:
1993-1994 Deportpublic. 1995 Castellblanch. 1996 MX Onda.
Ningún comentario:
Publicar un comentario