JOSÉ MARTÍN FARFAN

José Martín Farfan Pulído naceu en Facatátiva, Cundinamarca (Colombia), o 21 de agosto de 1965.

Foi un ciclista colombiano, escalador de categoría que mantiña o tradicional estilo colombiano, é dicir atacaba de forma aloucada cada vez que chegaba a montaña. Corredor de clase que podía asumir perfectamente a responsabilidade de equipo ou traballar para outros e sobre todo un especialista nas etapas de alta montaña, como a maioría dos seus compatriotas contemporáneos.

En 1989 chego a España defendendo a camisola do Café de Colombia-Mavic na Volta Ciclista a España, chegando a vestir durante dous días o maillor amarelo de líder. Con todo (aínda que a clasificación non foi cambiada) en maio dese mesmo ano publicouse o seu positivo durante as etapas 15ª e 16ª por consumo dun estimulante chamado Pemolina.

En 1990 é contratado polo Kelme-Ibexpress, gañando unha etapa e a clasificación da Montaña da Volta a España. A continuación, en xullo participa no seu primeiro Tour de Francia, pero non o terminou ao terse que retirar na 8ª etapa. Ao ano seguinte foi terceiro na clasificación xeral da Volta a Burgos, conseguindo igual resultado na Volta a Colombia e noveno no Criterium Dauphiné.

En 1992 mellorou este resultado, chegando mesmo a gañar unha etapa. En 1993 participou no seu primeiro Xiro de Italia, tendo que retirarse na 17ª etapa, mentres que a tempada seguinte volveu correr para o equipo colombiano o Mazá Postobon dedicándose principalmente a participar en carreiras de Colombia, onde gañou unha etapa e terminou segundo no Cásico RCN. En 1995 regresou ao Kelme para retirarse do ciclismo profesional esa mesma tempada, despois de participar na súa sexta Volta a España que non terminou ao retirarse na 14ª etapa e sen pena nin gloria foi a súa participación no Xiro de Italia.

Profesional de 1989 a 1995.

TRIUNFOS: 1989, vencedor do caracol de Montaña, dunha etapa no Clásico RCN e da Clásica Aguia Vermella.

1990, vencedor do Premio da Montaña da Volta a España e dunha etapa.

1991, vencedor dunha etapa da Volta a Colombia.

1992, vencedor dunha etapa da Dauphiné Libéré, dunha etapa na Volta a Burgos e dunha etapa da Volta a Colombia.

1994, vencedor dunha etapa no Clásico RCN.

XIRO DE ITALIA: 1993 abandonou e 1995 (49º).

TOUR DE FRANCIA: 1990 abandona antes de finalizar a carreira.

VOLTA A ESPAÑA: 1989 (15º, líder durante dous días), 1990 (11º, máis unha etapa), 1991 (53º), 1992 (38º), 1993 (40º) e 1995 abandonou.

EQUIPOS: 1989 Café de Colombia, 1990-1993 Kelme, 1994 Mazá Postobón e 1995 Kelme.