JOSEF FISCHER

Josef Fischer naceu en Cham (Alemaña), o 20 de xaneiro de 1865. Faleceu aos 94 anos o 29 de agosto de 1959 en Múnic (Alemaña).

Figura de lenda do ciclismo do seu país e gran campión da súa época. Extraordinariamente duro, pero tácticamente limitado.

Foi o primeiro vencedor da primeira edición da París-Roubaix con vinte e cinco minutos de marxe sobre o segundo clasificado, o danés Charles Meyer e con vinte e oito respecto ao francés Maurice Garin.  Nesta carreira non só tívose que enfrontar aos seus rivais directos, senón que tamén tivo que enfrontarse a algúns eventos inesperados, como a saída dun cabalo que arremeteu contra o grupo de ciclistas que marchaban na cabeza e logo a un bloqueo debido ás vacas que pastaban nas áreas de paso da carreira.

Cando hai 121 anos venceu Fischer a carreira aínda se denominaba “A Pascale” e o premio para o vencedor era de mil francos.

Profesional de 1896 a 1903 durante os cales gañou 16 carreiras, incluíndo o triunfo na primeira edición da París-Roubaix , en 1896 .

No único Tour de Francia que participou, o de 1903 con trinta e oito anos, acabou en décimo quinto lugar na clasificación xeral final.

TRIUNFOS: 1892, vencedor da Múnic-Koburg e da Wien-Trieste.

1893, vencedor da Wien-Berlín, da Moscova-San Petersburgo e da Basilea-Friburgo-Kolmar-Basilea.

1894, vencedor da Milán-Brenner-Múnic.

1895, vencedor da Trieste-Graz-Viena.

1896, vencedor da París-Roubaix e Camepón de Alemaña de Semifondo.

1899, vencedor dos Catro Días de Hamburgo.

1990, vencedor da Bordeus-París.

Nunca participou no Xiro de Italia nin na Volta a España.

TOUR DE FRANCIA: 1903 (15º).

Outros resultados dignos de mención: 1899, segundo na Bordeus-París e en 1990 segundo na París-Roubaix.

EQUIPOS: 1896-1903 Individual.