KLAUS BUGDAHL

Klaus Bugdahl naceu en Berlín (Alemania), o 24 de novembro de 1934. Fillo do propietario dunha lavandería, creceu en Berlín, preto da Illa dos Pescadores. Desde moi pícaro descubriu a súa paixón polo ciclismo decidindo emular aos ciclistas que vía todos os fins de semana disputar as súas carreiras no Palacio de deportes de Berlín. Aínda hoxe considéraselle como o mellor ciclista alemán nas probas de Seis Días xa que ningún outro ciclista tivo tanto éxito nas pistas de inverno.
En 1956, inmediatamente antes de pasarse ao profesionalismo, gañou o Campionato de Alemania de persecución; logo dedicouse case exclusivamente ás probas en pista e máis concretamente ás de Seis Días das que disputou nada menos que 228 e gañou 37. Cando correu en estrada tamén soubo triunfar.
En 1956 asinou como profesional co equipo alemán Fichtel e Sachs. Trasladándose pouco despois a Berlín Occidental co seu socio australiano Reginald Arnold para disputar a súa primeira carreira de Seis Días na cal terminou quinto.
Durante a súa carreira profesional as carreiras de Seis Días disputounas en: 27 en Berlín, onde gañou nove, 21 en Dortmund con catro vitorias e 20 en Zurich, gañando cinco. Entre os seus compañeiros de equipo destacan ciclistas como Eddy Merckx, Sercu Patrick, Rolf Wolf Hollow, Hennes Junker, Rudi Altig, Dieter Kemper e Rik Van Steenbergen. A súa última vitoria nas probas de Seis Días conseguíaa en Zurich en 1974 co australiano Graeme Gilmore. En 1978 con 43 anos disputaba en Milán a súa última carreira de Seis Días.
Logo da súa retirada do ciclismo profesional, exerceu de manager do equipo alemán Team Racing de Kotter e director deportivo no Frankfurt. Máis tarde converteuse en asesor de vendas dunha tenda de bicicletas, representante dunha compañía de artigos deportivos e gerente de eventos de ciclismo.
Profesional de 1956 a 1978, durante os cales conseguiu os seguintes triunfos: 1957, Campionato de Alemania de Persecución, Campionato de Alemania á americana con V. Petri e o Gran Premio Veitch.
1958, Campionato de Alemania de Fondo en Estrada e os Seis Días de Berlín con G. Schulte.
1959, os Seis Días de Amberes con Post e Schulte e os Seis Días de Colonia con V. Petry.
1960, Campionato de Alemania á americana con H. Junkermann, os Seis Días de Dortmund con H. Jukermann e os Seis Días de Colonia con H. Jukermann.
1961, Campionato de Alemania á americana con H. Junkermann e os Seis Días de Berlín con Van Steenbergen e F. Pfenninger.
1962, o Criterium de Europa á americana con F. Pfenninger e os Seis Días de Zurich con F. Pfenninger.
1963, a Volta ao Oise e os Seis Días de Berlín con S. Renz.
1964, Campionato de Alemania á americana con S. Renz.
1965, Seis Días de Amberes con Post e Jansen e os Seis Días de Montreal con K. Grossimlinghans.
1966, Criterium de Europa á americana con Renz.
1967, Seis días de Berlín con P. Post, os Seis Días de Colonia con P. Sercu e os Seis Días de Munster con P. Sercu.
1968, Seis Días de Amsterdam con J. Janssen, os Seis Días de Munster con R. Alting e os Seis Días de Zurich con F. Pfenninger.
1969, Seis Días de Berlín con D. Kemper e os Seis Días de Zurich con D. Kemper.
1970, Seis Días de Amberes con Post e Pijnen, os Seis días de Berlín conJ. Tschan e os Seis Días de Munster con A. Van Lanker.
1971, Seis Días de Dortmund con D. Kemper, os Seis Días de Gronningen con D. Kemper, os Seis Días de Munster con D. Kemper e os Seis Días de Zurich con D. Kempers e F. Pfenninger.
1972, Campionato de Europa á americana con D. Kemper e os Seis Días de Gronningen con D. Kemper.
1973, Seis Días dos Angeles con G. Gilmore.
1974, Seis Días de Zurich con G. Gilmore.
Nunca participou no Xiro de Italia, Tour de Francia e Volta a España.
OUTROS RESULTADOS DIGNOS DE MENCIÓN: 1953, noveno, máis unha etapa na Volta a Suiza.
1958, noveno na Flecha Valona.
1960, terceiro no Tour de Flandes.
EQUIPOS: 1957, Torpedo. 1958, Radium-R.I.H. 1959, Molteni. 1960, Afri-Cola. 1961-1962, Afri-Cola-Rabeneick. 1963, Torpedo. 1964, Torpedo-Continental. 1965, Pelforth-Sauvage. 1966, Torpedo. 1967, Torpedo-Continental. 1968-1969, Zimba Automatic. 1970, G.B.C.-Zimba. 1971, Bika-Milupa. 1972, Rokado. 1973, Ha-Ro. 1974-1975, Rocado. 1976, Kaukhof. 1977, Rufa Sport.