FRANS DE MULDER

Frans De Mulder, naceu en Kruishoutem, Flandes Oriental (Bélxica), o 14 de decembro de 1937. Faleceu en Deinze (Bélxica), aos 64 anos o 5 de marzo de 2001.

Foi un ciclista belga, bo rodador e esprinter, pero bastante inconstante. A súa exitosa traxectoria profesional foi breve. Gañou a 15ª Volta Ciclista a España de 1960 ao seu compatriota e compañeiro de equipo Armand Desmet e ao español Miguel Pacheco despois de 3.566 quilómetros repartidos en 17 etapas, dúas delas dobres e sen un só día de descanso.

Na devandita edición tomaron a saída 80 ciclistas, 45 deles españois, repartidos en 8 equipos dos que só finalizaron 24 ciclistas.

De Mulder, cubriu a proba a unha velocidade media de 34, 575 Km/h. Os protagonistas desa edición foron os belgas que só perderon a clasificación da montaña que gañou Antonio Karmany e a de metas volantes que a levou Vicente Iturat.

Ese mesmo ano na etapa reina, a 14ª con final en Vitoria, tivo lugar un enfrontamento entre Bahamontes e a organización.

O ciclista toledano reclamaba que se permitise que Julián San Emeterio continuase en carreira a pesar de chegar fóra de control. Bahamontes chegou a ameazar con retirarse da carreira se non se cumpría a súa petición aínda que finalmente non foi así. Ao día seguinte, o escándalo estaba servido, o excéntrico Federico Martin Bahamontes escápase do pelotón, para logo deterse e ser alcanzado, quedándose finalmente descolgado e chegando a liña de meta unha hora despois do vencedor da etapa, provocando a consecuente eliminación da proba. O médico da Volta alegaría máis tarde que Bahamontes sufría de apendicitis.

O seu irmán Marcel de Mulder tamén foi ciclista profesional.

Profesional de 1958 a 1963, durante os cales gañou a clasificación xeral e catro etapas da Volta Ciclista a España e o Campionato de fondo na estrada do seu país en 1960 o mellor ano da súa carreira deportiva, entre outras vitorias de menor importancia.

TRIUNFOS: 1958, vencedor do Campionato de Bélxica como independente.

Monumento a Frans De Mulder en
Machelen Aan de Lele

1960, vencedor do Campionato de Bélxica, da Volta a España, máis catro etapas e dunha etapa da Volta a Luxemburgo.

1961, vencedor da Anveres-Gante e do Campionato de Flandes.

1962, vencedor da sétima etapa da Dauphiné Libéré.

1963, vencedor dunha etapa da Volta a Bélxica e da Nokere Koerse.

Nunca participou no Xiro de Italia.

TOUR DE FRANCIA: 1962, abandonou antes de finalizar.

VOLTA A ESPAÑA: 1960 (1º, máis catro etapas), en 1961 abandonou.

Outros resultados dignos de mención: 1959, cuarto na Milán-San Remo e terceiro na Lieja-Bastogna-Lieja.

 1963, terceiro na Volta a Bélxica.

EQUIPOS: 1959-1961, Verde Lion-SAS Sinalco. 1962-1963, Wiel´s-Green Lion.